Шилдэг 5-н зураг засварлагч програм

Компьютерийн програм хангамжийн салшгүй нэг хэсэг бол зургийн програм байдаг. Та гэр бүлийн зургаа янзлахаас эхлээд вэб хийх зураг зурах зэрэг компьютертэй холбогдсон бүхий л зүйлд зургийн програм ашигладаг. Харин та ямар зургийн програм илүү ашиглах дуртай вэ? Хэрэглэгчийн судалгаагаар доорх 5-н програм шалгарчээ. Шалгаруулалтын сүүлчээс дурьдвал:

5. Pixelmator

Pixelmator бол MAC үйлдлийн системийн хамгийн хүчирхэг бөгөөд хурдтай зургийн програм юм. Маш гоёмсог интерфэйстэй бөгөөд layer зохион байгуулалттай. олон тооны зургийн хэрэгсэлтэй бөгөөд зургийг хялбар засах боломжуудтай. Photoshop-ын гайхамшгуудыг бүгдийг нь агуулаагүй ч гэсэн MAC-ын хэрэглэгчдээс өндөр үнэлгээ авдаг.

4. Inkscape

Нээлттэй эхийн (open source) вэктор зургийн програм юм. Adobe Illustrator, CorelDraw болон Xara X-тай ижил. Үүнийг байнгын үүсгэдэг файлын төрөл нь вэбд дэмжигддэг Scalable Vector Graphics (SVG) юм. Энэ програмын талаар дэлгэрэнгүй мэдээллийг эндээс аваарай

3. Fireworks

Adobe -ын вэб хөгжүүлэгчдэд зориулан гаргасан зургийн програм юм. Үүний Photoshop-ын том ах гэж нэрлэж болно. Вэктор болон Растер зургийн аль алин дээр нь ажиллаж чаддагаараа Photoshop оос ялгаатай. Fireworks нь вэб хөгжүүлэгчдээс илүү их үнэлгээ авдаг.

2. GIMP

GIMP (GNU Image Manipulation Program) нь нээлттэй эхийн маш хүчирхэг зургийн програм юм. Бараг бүх үйлдлийн систем дээр ажиллаж чадна гэж хэлж болно (Windows, Linux, Mac). Програмын интерфэйсийг хэрэглэгч өөрийнхөөрөө тохируулж болдог. JPG, GIF, PNG, TIFF, болон PSD зэрэг форматын зургийг үүсгэх боломжтой юм.

1. Photoshop


Гайхаад байх зүйлгүйгээр шууд ялагч болно. Судалгаанд оролцсон хэрэглэгчдээс бараг бүгд энэхүү програмыг илүү гэж үнэлсэн. Үнэхээр ч үнэн юм. Орчин үеийн зургийн програмын хөгжил photoshop-ын араас л явж байна. Гэхдээ сайн зүйл байхад бас муу зүйл байна. Тэр нь олон хэрэглэгчид удаан гэжээ.